Қазақстан мен Қытай жастарының байланысын нығайту керек

Қазір еліміздің түкпір-түкпірінде «Болашақ бүгіннен басталады» деген айдармен акция жалғасуда. Бұл шараның басты кейіпкерлері – жастар. Сондықтан, қазақстандық және қытайлық жастардың байланысын нығайту тиіс. Осыған орай, Қытайдың Шыңжаң өлкесінде тұратын 10-ға жуық оқушы Астанаға келді. Олар бүгін елордалық жастармен жүздесіп, бір-бірінің тұрмыс-тіршілігімен, ой-пікірімен, арман-қиялдарымен бөлісті. Мұнымен қоса, дарынды жастар күмбірлеген күй мен әуезді әннен де шашу шашты. Сондай-ақ, жасөспірімдер өздерімен бірге Қазақ елі туралы жазған шығармалары мен салған суреттерін де ала келіпті. Енді, олардың туындылары «Құлыным» атты республикалық журналына жарияланбақ. Бұл игі бастама «Ұлы дала қырандары» қозғалысының ұйытқы болуымен, ұйымдастырылып отыр. Шараға журналистер, көрнекті мемлекет және қоғам қайраткерлері қатысып, келешекте қазақ жерінде «Балалар форумын» өткізуі керектігін де тілге тиек етті.

Сәдібек Түгел, журналист, «Ұлы дала қырандары» қозғалысының тең төрағасы:
Қазақта керемет сөз бар. «Бұлақ көрсең, көзін аш», деген. Біздің бұлағымыз, болашағымыз – балалар. Бүгінгі мәжілістің мақсаты – Шыңжаңдағы және осындағы жастардың білім саласы, әдебиет, өнерін нығайтып, өркендету.

Перизат ЕРМЕКҚАРА
http://kaztrk.kz/kaz/news/culture/Kazakstan_men_Kitaj_zhastarinin_bajlanisin_nigajtu_kerek.html

Бөлісу:

Сондай-ақ, оқыңыз

«Олардың есімдері – біздің жүрегімізде»

18 мамырда ҚР Президенттігіне кандидат Сәдібек Түгел елордадағы Халықаралық баспасөз орталығының құрылғанына 20 жыл толуына …